Ծխելուց հետո դպրոցականը ցնցումների մեջ է ընկել. բերանից փրփուր է սկսել գալ
Բուրյաթիայում 14-ամյա դպրոցականը վեյփ օգտագործելու հետևանքով ծանր թունավորում է ստացել և տեղափոխվել վերակենդանացման բաժանմունք։
Հանրապետության նարկոլոգիական դիսպանսերի տվյալներով՝ դեռահասի վիճակը եղել է ծայրահեղ ծանր, և բժիշկները լուրջ բարդությունների առաջացման մեծ վտանգ են գնահատել։
Նիկոտինի բարձր պարունակությամբ հեղուկ օգտագործելուց հետո նրա մոտ սկսվել են ցնցումներ, իսկ բերանից փրփուր ու արյուն է դուրս եկել։
Բժիշկների խոսքով՝ եթե բժշկական օգնությունը ժամանակին չցուցաբերվեր, հետևանքները կարող էին լինել անհամեմատ ավելի ծանր։
Մասնագետները հիշեցնում են, որ նիկոտինը հատկապես վտանգավոր է դեռահասների համար, քանի որ նրանց նյարդային համակարգը դեռևս գտնվում է զարգացման փուլում։
Նրանք նաև զգուշացնում են, որ որոշ վեյփերի հեղուկներում նիկոտինի բարձր խտությունը կարող է անչափահասների մոտ առաջացնել ծանր թունավորում և կյանքին սպառնացող լուրջ բարդություններ։
