Խոշոր հրդեհ Երևանում հայտնի «Գուավա» հագուստի խանութում, այրվել է մոտ 15 միլիոն դրամի հագուստ
Խոշոր հրդեհ Երևանում հայտնի «Գուավա» հագուստի խանութում, այրվել է մոտ 15 միլիոն դրամի հագուստ
Shamshyan.com-ը գրում է․ Մարտի 18-ին խոշոր հրդեհ է տեղի ունեցել Երևանում։ Ժամը 02:10-ի սահմաններում ՀՀ Ներքին գործերի նախարարության Ոստիկանության օպերատիվ կառավարման կենտրոն ահազանգ է ստացվել, որ Պարույր Սևակի փողոցի 53/1 հասցեում գտնվող «Գուավա» խանութ-սրահի ձայնային ազդանշանը միացել է և ներսում խիտ ծուխ է։
Ինչպես հայտնում է ֆոտոլրագրող Գագիկ Շամշյանը՝ նմանատիպ ահազանգ ստացվել է նաև ՀՀ ՆԳՆ Փրկարար ծառայության 911 Ճգնաժամային կառավարման ազգային կենտրոն։
Օպերատիվորեն հրդեհի վայր են ժամանել ՀՀ ՆԳՆ Ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի պարեկները՝ գումարտակի հրամանատար Գոռ Առաքելյանի, վաշտի հրամանատար Արմեն Զաքարյանի գլխավորությամբ։
Տեղում տարածքը սահմանազատել են նույն վաշտի պարեկներ Արթուր Մուրադյանն ու Գոհար Գեղամյանը, որպեսզի օպերատիվորեն ժամանած Երևանի ՓԾ թիվ 5-րդ հրշեջ-փրկարարական ջոկատի հրշեջ-փրկարարները աշխատեն։
Վերջիններս նախ կանխել են հագուստ-խանութի պահեստային տարածքում առաջացած հրդեհը, ապա մարել այն։
Այրվել է պահեստային հատվածում գնտվող մեծ չափի հագուստ և կոշկեղեն։Խանութին պատճառվել է մոտ 15 միլիոն դրամի վնաս։
Դեպքի փաստով Հայաստանի քննչական կոմիտեի Երևան քաղաքի քննչական վարչության Քանաքեռ-Զեյթունի քննչական բաժնում նախաձեռնվել է վարույթ։
Կատարվածի մասին արդեն հայտարարություն է վերցվել խանութի սեփականատեր, Երևանի բնակիչ 34-ամյա Արման Արշակյանից։