Երեւանում 36-ամյա կինը փորձել է ինքնասպանություն գործել

Սեպտեմբերի 16-ին՝ ժամը 01։40-ի սահմաններում, ՆԳՆ ոստիկանության գվարդիայի ծառայողները գիշերային ծառայություն իրականացնելիս Հաղթանակի կամրջի վրա նկատել են մի կնոջ, որը փորձում էր նետվել կամրջից։

Ոստիկանների օպերատիվ և արդյունավետ գործողությունների արդյունքում կանխվել է 36-ամյա օտարերկրյա քաղաքացու ինքնասպանության փորձը։

Կնոջը հաջողվել է հեռացնել կամրջից և կանխել հնարավոր ողբերգությունը։

Դեպքի վերաբերյալ կազմված փաստաթղթերը փոխանցվել են նախաքննական մարմին։