Մամուլ

Երազում տղաս՝ նորածնին գիրկն ասաց՝ մենք չենք գալու, պուճուրին պահիր. զոհված եղբայրների մայր (Տեսանյութ)

Երազում տղաս՝ նորածնին գիրկն ասաց՝ մենք չենք գալու, պուճուրին պահիր. զոհված եղբայրների մայր (Տեսանյութ)

Արցախյան 44-օրյա պատերազմում զոհված Գևորգ և Կարեն Գևորգյանների նորածին եղբայրը՝ Արենը, իր ծնունդով ապրելու հույս բերեց ծնողներին:

Լրագրողների հետ զրույցում տղաների մայրը՝ Արևիկ Միքայելյանը պատմեց, որ երեխային տվել են Արեն անունը, քանի որ Գևորգը երազում էր երկրորդ որդուն ունենալու դեպքում նրան այդպես կնքել:

«Տղաներիս միշտ տեսնում եմ երազումս: Մինչև Արենը Գևորգս եկավ երազիս՝ նորածնին գիրկը: Ասաց՝ մամ, ես ու Կարենն էլ հետ չենք գալու, պուճուրին պահիր: Ասացի՝ Գև, ես ձեզ եմ ուզում: Ասաց՝ մենք չենք կարող գալ, անպայման կպահես պուճուրին:

Այսպես ասաց ու երեխային դնելով բազմոցին՝ հեռացավ: Հիմա Աստծուց ուժ ու առողջություն եմ խնդրում, որ Արենիս գոնե մինչեւ ինքնուրույն տարիքի հասցնեմ: Ինքն էլ կմեծանա ու կհպարտանա, որ հերոսների եղբայր է»,- ասաց Արևիկ Միքայելյանը:

exbayrner noracin

Տիկին Արևիկը 48 տարեկան է, ամուսինը՝ 54:

«Էրեբունի» բժշկական կենտրոնի տնօրենի տեղակալ Անդրանիկ Պողոսյանի խոսքով՝ մայրիկի տարիքը եւ արտամարմնային բեղմնավորումն արդեն իսկ բարդ հղիություն էր նախանշում: 

«Քանի որ տիկին Արեւն իր մեջ այդքան քաջություն ուներ այս փոքրիկին լույս աշխարհ բերելու, մենք ուղղակի իրավունք չունեինք աննշան սխալ անգամ անելու: Այս երեխան մինչեւ խոր ծերություն պետք է խաղաղության մեջ ապրի եւ չտեսնի պատերազմ»,- լրագրողների հետ զրույցում նշեց Անդրանիկ Պողոսյանը:

Մանրամասները՝ News.am-ի տեսանյութում

Կիսվել նյութով