Բրազիլիայից ներմուծված հավի թևիկներում հայտնաբերել են COVID-19
Բրազիլիայից ներմուծված հավի թևիկներում հայտնաբերել են COVID-19
Ինչպես հաղորդում է CNN-ը՝ Բրազիլիայից չինական Շենչժեն քաղաք ներմուծված հավի թևիկներում հայտնաբերվել է կորոնավիրուս:
Չինական իշխանությունները անմիջապես հետևել են բոլոր այն մարդկանց, ովքեր շփում են ունեցել մթերքի հետ, և նրանց տեղափոխել են բուժհաստատություն՝ հետազոտության համար: Բոլոր աշխատակիցների կորոնավիրուսի թեստերը տվել են բացասական արդյունք:
Այս դեպքը մեկնաբանել են Առողջապահության համաշխարհային կազմակերպության փորձագետները: Նրանց խոսքով՝ ուտելիքի միջոցով կորոնավիրուսով վարակվելու հավանականությունը չափազանց փոքր է:
«Այս պահի դրությամբ չկա ապացույց առ այն, որ կորոնավիրուսը փոխանցվում է ուտելիքի կամ փաթեթավորված ուտելիքի միջոցով»,- ԱՀԿ-ի հայտարարությունը մեջբերում է CNN-ը:
