Այս տարի 100-ի փոխարեն, կտեղադրենք 500 նոր վերելակ․ Հայկ Մարության
Այս տարի 100-ի փոխարեն, կտեղադրենք 500 նոր վերելակ։ Այս մասին իր ֆեյսբուքյան էջում գրառում է կատարել Երևանի քաղաքապետ Հայկ Մարությանը։
«500 ՎԵՐԵԼԱԿ 2020-ԻՆ ԿՓՈԽԱՐԻՆՎԻ ՆՈՐԵՐՈՎ
Մայրաքաղաքում անցած 2019-ին եկամուտների հավաքագրման մեր լավ արդյունքների եւ գնումերից առաջացած տնտեսումների շնորհիվ որոշել եմ վերանայել վերելակների փոխարինման ծրագիրը՝ հնգապատկելով նախօրոք հայտարարված ծավալները։
Այդպիսով, այս տարի համայնքի միջոցներով, նախօրոք հայտարարված 100-ի փոխարեն, կտեղադրենք 500 նոր վերելակ։
Փոխարինման աշխատանքների ընթացքում հաշվի կառնենք մինչ այժմ 20 վերելակի փոխարինման ընթացքում ի հայտ եկած խնդիրներն ու առանձնահատկությունները։
Տեղադրվող բոլորովին նոր վերելակները հարմարեցվում են տեսողության, լսողության եւ հենաշարժողական խնդիրներ ունեցող անձանց գործածությանը»։
