Ալիևը հորդորել է Ռուսաստանին՝ հետ կանչել «Իսկանդեր»-ները Հայաստանից
Ալիևը հորդորել է Ռուսաստանին՝ հետ կանչել «Իսկանդեր»-ները Հայաստանից
Ադրբեջանի նախագահ Իլհամ Ալիևը հայտարարել է, որ ժամանակին ինքը Ռուսաստանին առաջարկել էր Հայաստանից հետ վերադարձնել «Իսկանդեր» համալիրները և դադարեցնել զենքի անվճար տեղափոխումը Երևան:
«Նույնիսկ այն ժամանակ, երբ այդ հրթիռները առաքվեցին Հայաստան, ես ասացի, որ դա սխալ քայլ է, որ այդ քայլը չի ծառայում տարածաշրջանում խաղաղության և կայունության ամրապնդմանը, որ դա չի զսպի մեզ:
Նաև պատերազմի ընթացքում մենք առաջարկեցինք ռուսական կողմին՝ հետ վերցնել «Իսկանդերը», և ես դեռ կարծում եմ, որ տարածաշրջանում իրավիճակի ողբերգական զարգացումը կանխող միակ միջոցը այդ հրթիռները վերցնելն է և զենքի անվճար տեղափոխումը Երևան դադարեցնելը»,- ուրբաթ ասել է Ալիևը արտասահմանյան և տեղական լրատվամիջոցների համար մամուլի ասուլիսում:
