«Ողջ թիմով ցավ ու ափսոսանք ենք հայտնում կատարվածի համար»․ Թորոսյանը՝ փոխնախարարի աղմկահարույց ձերբակալման մասին
«Ողջ թիմով ցավ ու ափսոսանք ենք հայտնում կատարվածի համար»․ Թորոսյանը՝ փոխնախարարի աղմկահարույց ձերբակալման մասին
ՀՀ առողջապահության նախարար Արսեն Թորոսյանը հանդես է եկել հայտարարությամբ, օրերս տեղի ունեցած՝ ԱԱԾ-ի կողմից փոխնախարարին կաշառք ստանալու կասկածանքով բերման ենթարկելու աղմկահարուկց դեպքի առնչությամբ։
«Ամենևին կասկածի տակ չառնելով անմեղության կանխավարկածը, ուզում եմ հայտնել, որ վերցնողն ով էլ լինի, եթե գործի շրջանակներում մեղավորությունը հաստատվի` նա պետք է պատժվի օրենքի ողջ խստությամբ:
Ինչ խոսք` նման երևույթներն անթույլատրելի են և դատապարտելի: Նոր Հայաստանում պետք է ձգտել բացառել և արդար աշխատանքով կառուցել մեր ապագան: Կաշառք տալը և վերցնելը մեր երկրում քրեորեն պատժելի արարք են:
Մեր աջակցությունն ենք հայտնում իրավապահ մարմիններին` կոռուպցիայի դեմ պայքարում։ Անկեղծորեն հավատում ենք, որ համակարգում տեղ գտած կոռուպցիայի և հակաօրինական այլ երևույթների բացահայտումը կօգնի արմատախիլ անել դրանք և առողջացնել համակարգը:
Առողջապահության նախարարության ողջ թիմով ցավ ու ափսոսանք ենք հայտնում կատարվածի համար»,-ասել է Թորոսյանը:
