«Ես արդեն ասել եմ՝ նույնիսկ, եթե իմ հարազատ եղբոր սրճարանը լիներ, պիտի քանդվեր»․ Նիկոլ Փաշինյան
«Ես արդեն ասել եմ՝ նույնիսկ, եթե իմ հարազատ եղբոր սրճարանը լիներ, պիտի քանդվեր»․ Նիկոլ Փաշինյան
Այսօր հրավիրած ասուլիսում ՀՀ վարչապետ Նիկոլ Փաշինյանը, լրագրողի հարցին՝ օպերայի տարածքի սրճարանների ապամոնտաժման հարցում հնարավոր անձնավորված մոտեցումների և այն մասին, որ սրճարաններից երկուսը պատկանում էին Վատիկանում ՀՀ նախկին դեսպան Միքայել Մինասյանին ու գործարար Սամվել Ալեքսանյանին, պատասխանեց․
«Որքան ես տեղյակ եմ, դա իրավական ձևակերպումների խնդիր է։ Գիտեմ, որ երբ քաղաքապետարանը հնարավորություն է ունեցել լուծել պայմանագիրը միակողմանի, լուծել է, այլ դեպքերում դիմել է դատարան: Իրավական հնարավորության դեպքում՝ մյուս սրճարաններն էլ կապամոնտաժվեն։ Ես արդեն ասել եմ՝ նույնիսկ, եթե իմ հարազատ եղբոր սրճարանը լիներ, պիտի քանդվեր»։
