15-ամյա աղջիկը մահացել է ձիավարության ժամանակ
Ռուսաստանի Տուվայի Հանրապետությունում 15-ամյա աղջիկը մահացել է ձիավարության ժամանակ ստացած ծանր վնասվածքների հետևանքով։
Դեպքը տեղի է ունեցել Բուլուն-Բաժի գյուղում։ Նախնական տեղեկություններով՝ ձիավարության փորձ ունեցող դեռահասը երեկոյան ձիով զբոսնելիս է եղել, երբ կենդանին հանկարծ փոխել է շարժման ուղղությունը։
Այդ պահին աղջկա ոտքը խճճվել է ասպանդակի մեջ։ Դեռահասը ծանր վնասվածքներ է ստացել, որոնք, քննիչների նախնական տվյալներով, կյանքի հետ անհամատեղելի են եղել։
Դեպքի առնչությամբ Ռուսաստանի Քննչական կոմիտեն ստուգում է իրականացնում՝ միջադեպի բոլոր հանգամանքները պարզելու նպատակով։
Աղջկա մահվան ստույգ պատճառը պարզելու համար նշանակվել է դատաբժշկական փորձաքննություն։ Քննիչները շարունակում են պարզել, թե ինչ հանգամանքներում է տեղի ունեցել ողբերգական միջադեպը։
