Անթալիայում անտառային հրդեհները չեն հանդարտվում

Թուրքիայի Անթալիա նահանգի Քաշ շրջանի Պատարա շրջանում անտառային հրդեհ է բռնկվել։ Հրդեհը բռնկվել է անտառային տարածքում, իսկ պատճառը դեռևս հայտնի չէ։

Դեպքի վայր են ժամանել հրշեջ և անտառային ծառայությունների աշխատակիցները, որոնք սկսել են հրդեհաշիջման աշխատանքները։

Աշխատանքներին ներգրավվել են ինչպես ցամաքային խմբեր, այնպես էլ ավիացիոն տեխնիկա։ Այս մասին հաղորդում է Akdeniz Gerçek թերթը։