Օրեր առաջ սպանված 17-ամյա Ռաֆոյի հուղարկավորությունը (Տեսանյութ)
Bavnews.am-ի տեղեկություններով` դաժանաբար սպանված 17-ամյա երիտասարդը Ռաֆայել Հովհաննիսյանն է։ Վերջինս` Երևանի ինֆորմատիկայի պետական քոլեջի ուսանող էր։ Ընկերները նրան բնութագրում էին, որպես բարի, կամեցող տղա։
Նշենք, որ 2024 թվականի մարտի 12-ին մի խումբ երիտասարդների միջև վիճաբանություն է սկսվել, որի ժամանակ 21-ամյա երիտասարդը դանակով մի քանի անգամ հարվածել է 17-ամյա երիտասարդի մարմնի տարբեր հատվածներին, ինչի հետևանքով նա վայր է ընկել, որից հետո տղաները գետնին ընկած վիճակում շարունակել են ոտքերով հարվածներ հասցնել երիտասարդի մարմնին, իսկ 21-ամյա երիտասարդը դանակով հարվածել է նրան:
Հավաքված անձանց միջամտության արդյունքում վիճաբանությունը դադարել է, հիշյալ 6-7 տղաները դիմել են փախուստի:
Երիտասարդին անմիջապես տեղափոխել են հիվանդանոց, սակայն ձեռնարկված անհրաժեշտ միջոցների արդյունքում 17-ամյա երիտասարդի կյանքը փրկել չի հաջողվել։
