Տավուշում ռազմական ոստիկանության աշխատակիցը սիրուհու հետ փորձել է սպանել վերջինիս ամուսնուն
Տավուշում ռազմական ոստիկանության աշխատակիցը սիրուհու հետ փորձել է սպանել վերջինիս ամուսնուն
Այսօր՝ փետրվարի 15-ին, ՀՀ Ներքին գործերի նախարարության ոստիկանության Տավուշի մարզային վարչության քրեական հետախուզության բաժնի աշխատակիցներն աղմկահարույց բացահայտում են կատարել Տավուշի մարզում։
Shamshyan.com-ի փոխանցմամբ՝ ամիսներ առաջ ոստիկանության Տավուշի մարզային վարչությունում օպերատիվ տեղեկություններ էին ստացվել, որ Տավուշի մարզում նախապատրաստվում են սպանություն իրականացնել դեղորայքի միջոցով։
Ամիսներ տևած օպերատիվ աշխատանքի արդյունքում այսօր ՀՀ ՆԳՆ Ոստիկանության Իջևանի բաժին են բերման ենթարկել Տավուշի մարզի բնակիչ 31-ամյա մի քաղաքացու, ով Տավուշի մարզի 36-ամյա բնակչուհու հետ փորձել է այդ բնակչուհու 42-ամյա ամուսնուն դեղորայքով թունավորելու եղանակով սպանել։
Ոստիկանները պարզել են նաև Տավուշի մարզում գործող այն խանութ սրահի վայրը, որտեղից նրանք փորձել են համապատասխան դեղորայքը վերցնել։
Հայտնաբերել են նաև այդ տղամարդու հանցակցին և նրան նույնպես բերման են ենթարկել ոստիկանության Իջևանի բաժին. «սպանության նախապատրաստում» հատկանիշներով նախաձեռնվել է քրեական վարույթ։
Նշված անձինք ձերբակալվել են քննիչի որոշմամբ. նրանք իրար հետ ունեցել են սիրային կապ:
