Երևանում «SAS» սուպերմարկետի մոտ հայտնաբերվել է տղամարդու դի․ ժամանել է Կենտրոնի ոստիկանապետը
Երևանում «SAS» սուպերմարկետի մոտ հայտնաբերվել է տղամարդու դի․ ժամանել է Կենտրոնի ոստիկանապետը
Shamshyan.com-ը գրում է․ Այսօր՝ մարտի 16-ին, ողբերգական դեպք է տեղի ունեցել Երևանում։
Ժամը 12։30-ի սահմաններում ՀՀ ներքին գործերի նախարարության Ոստիկանության Կենտրոնական բաժին ահազանգ է ստացվել, որ Երվանդ Քոչար փողոցում «SAS» սուպերմարկետի դիմաց տղամարդու դի կա։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են ՀՀ ՆԳՆ Ոստիկանության Կենտրոնական բաժնի պետ Արման Պապյանը, բաժնի պետի օպերատիվ գծով տեղակալ Վազգեն Թադևոսյանն ու նույն բաժնի քրեական հետախուզության բաժանմունքի պետ Սերգեյ Մամիկոնյանը։
Տեղում տարածքը սահմանազատել և ծառայություն են իրականացրել նույն վաշտի ավագ պարեկ Արամ Կարաետյանը, պարեկներ Ալբերտ Ալեքսանյանն ու Էդուարդ Մկրտչյանը։
Ժամանել են նաև Հայաստանի քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական 1-ին բաժնի խումբը՝ օրվա պատասխանատու հերթապահ քննիչի գլխավորությամբ։
Ոստիկաններն ու քննիչները նշված վայրում հայտնաբերել են տղամարդու դի, ում ինքնությունը պարզվում է։
Դեպքի փաստով քննչական բաժնում նախաձեռնվել է վարույթ։ Քննիչի որոշմամբ՝ նշանակվել է դիակի դատաբժշկական փորձաքննություն։
