Վարդան Ղուկասյանն արդարացվել է
Դատավոր Վահե Ջիվանյանի կայացրած դատավճռով Գյումրու նախկին քաղաքապետ Վարդան Ղուկասյանն արդարացվել է։ Այս մասին հայտնել է նրա փաստաբան Արամայիս Հայրապետյանը։
Հիշեցնենք, որ 2025 թվականին Հակակոռուպցիոն դատարանում ընթացող դատավարության ավարտին Վարդան և Սպարտակ Ղուկասյանները կոպիտ արտահայտություններ էին հնչեցրել իրենց կաշառք ստանալու մեջ մեղադրողների հասցեին։
Դեպքից հետո նրանց մեղադրանք էր առաջադրվել այն բանի համար, որ նրանք մի խումբ անձանց հետ, տեղեկատվական և հաղորդակցական տեխնոլոգիաների օգտագործմամբ, կատարել են խուլիգանություն։
Փաստաբանի փոխանցմամբ՝ Սպարտակ Ղուկասյանին մեղսագրվող հոդվածը վերաորակվել է։ Այսպիսով, տվյալ գործով արդարացվել է միայն Վարդան Ղուկասյանը։
