Հացը մոր բերանից հանել, թքել է վրան ու տնից վռնդել․ բռնության ենթարկված Ռուզաննայի բացահայտումները
Oragir.News-ը զրուցել է Արման Գալստյանի կնոջը՝ Ռուզաննա Ալավերդյանին, ով այժմ իր յոթ երեխաների հետ գտնվում է Ռուսաստանի Դաշնությունում։
Ուղիղ տեսակապով վերջինս մանրամասն պատմում է իրականում տեղի ունեցած սարսափների, փախուստի դրդապատճառների և ամուսնու կողմից հնչող մեղադրանքների մասին։
Ներկայացնում ենք Ռուզաննայի խոստովանություններից մի քանի հատված․ «Երբ Արման Գալստյանի հետ դատական առերեսման գնացի, ամբողջ գիշեր սթրեսի ու վախի մեջ էի, մտածում էի՝ այս անգամ ի՞նչ կստիպի, ի՞նչ կանի՝ կիսլատա կլցնի վրաս, թե՞ ինչպես կվարվի։ Նա այնտեղ էր եկել կոլայի շշով և անդադար ստիպում էր, որ ես խմեմ այդ կոլան»։
«Նա ինձ ժամերով տանում էր «տրասների» վրա ծեծելու։ Այդ հարվածներից ու ապտակներից ես արդեն հայելու մեջ դեմքս չէի ճանաչում, անգամ հիստերիայի պահին կծել է դեմքս։ Շատ ուժեղ ցրտին, գիշերով ինձ հանել ու շպրտել է մայրուղու վրա… թող ինքը դրանցից խոսի, թող պատմի, թե ինչպես էր 120-180 կմ/ժ արագությամբ մեքենան վարել, ինձ մեջից շպրտել, ծեծել, ապա նորից բերել ու նստեցրել»։
«Նրա մայրը ևս սարսափելի վախենում է իր տղայից, որովհետև նա շիզոֆրենիկ է։ Եղել է, որ հացը մոր բերանից հանել, թքել է վրան ու խեղճ կնոջը տնից վռնդել։ Ես շատ եմ հարգում իր մամային. ինքը հաճախ հաց չէր ուտում, որ իր բաժինը իմ երեխաներին տար… բայց նա էլ էր սարսափում իր տղայից»։
«Մի անգամ իր հոր գերեզմանի մոտ զենքը հանեց ու շուրջբոլորը կրակեց։ Ես սարսափից փախել ու թաքնվել էի գերեզմանների արանքում, իսկ ինքը գնացել, պահակից պրոժեկտոր էր վերցրել ու ինձ էր փնտրում»։
«Երեխաները չեն ուզում շփվել, լսել կամ ճանաչել իրենց հորը. տանը նրա մասին ընդհանրապես չենք խոսում։ Նա երեխաների ներկայությամբ անվայելուչ արարքներ էր թույլ տալիս, մերկանում էր ու նրանց ասում, թե՝ ձեր մայրը պարզապես ինկուբատոր է»։
«Պատրաստ եմ անգամ Աստծո առաջ կանգնել, ստի դետեկտոր նստել. ում մոտ ուզում եք՝ տարեք ինձ, ես այդ մարդուն երբեք չեմ դավաճանել։ Ես քննիչին՝ Տիգրան Հովհաննիսյանին խնդրեցի, որ հանեն զանգերի վերծանումները։ Այդ բոլոր թղթերը հանձնել են քննչականին ու ցույց տվել, որ ես Ռուսաստանում ոչ մեկի հետ կապ չունեմ, միայն հայրս է, ում հետ խոսել եմ»։
Տեսանյութը՝ ստորև․
