Ազատ խոսքՄամուլ

Արգիշտի Կիվիրյանը հանդես է եկել Հայաստանի քաղաքացիներին ուղված կոչով

Վերլուծաբան Արգիշտի Կիվիրյանը իր ֆեյսբուքյան էջում գրել է․

«ԿՈՉ Հայաստանի Հանրապետության քաղաքացիներին

Հայաստանի վարչապետ Նիկոլ Փաշինյանն այսօր հանդես է եկել ֆեյսբուքյան գրառումով, որում բառացի ասվում է «Առավոտյան ժամը 08.30-ից արգելափակում ենք հանրապետության՝ առանց բացառության բոլոր դատարանների ելքերն ու մուտքերը, այնպես, որ ոչ ոք ներս չմտնի: Ժամը 12.00-ին իմ ելույթը հեռարձակվում է ուղիղ եթերում»:

Իշխանափոխությունից հետո ավելի քան մեկ տարի հանդիսանալով Հայաստանի Հանրապետության փաստացի ղեկավարը ու այդպես էլ չկարողանալով լուծել բնակչության բազմաթիվ ակնկալիքները, մեղմել սոցիալ-տնտեսական հիմնախնդիրները, ամրապնդել երկրի անվտնագությունը և գտնել Արցախյան հիմնահարցի լուծումը, Նիկոլ Փաշինյանը, առանց այդ էլ ունենալով բավականին վիճելի լեգիտիմություն, փաստացի դիմում է հերրթական արկածախնդրության, իր այս կոչով կոպտորեն խախտելով Հայաստանի Հանրապետության Սահմադրությունը և գործող օրենքները։ Սա ոչ այլ ինչ է, քան Սահմանադրական կարգը տապալման և Արդարադատության իրականացմանը խոչընդոտելու փորձ, ինչպես նաև պետությունը ապակայունացնելուն ուղված ուղղակի գործողություն։

Այս կապակցությամբ, գիտակցելով, թե Հաայստանի Հանրապետության ներկայի և ապագայի համար ինչպիսի վտանգավոր հետևանքների կարող են հանգեցնել Նիկոլ Փաշինյանի կողմից նախաձեռնվող այս քայլերը՝

1․ Հայաստանի Հանրապետության քաղաքացիներին, հասարակության ակտիվ շերտերին կոչ եմ անում զերծ մնալ Նիկոլ Փաշինյանի այդ կոչը կյանիքի կոչելուն ուղված ցանկացած գործողությունից, որևէ պարագայում չտրվել սադրանքների և չխախտել Հայաստանի Հանրապետության օրենսդրութունը։ Հիշել, որ իր կողմից կոչ արվող գործությունը երկիրը ապակայունացնելուց զատ պարունակում է Հայաստանի Քրեական օրենսգրքով նախատեսված մի շարք հոդվածների խախտում և այդ գործողությաններին մասնակցած յուրաքանչյուր ոք մի օր պատասխան է տալի իր արարքի համար դատարանի առաջ։

2․ Նիկոլ Փաշինյանին կոչ եմ անում զերծ մնալ իր այս արկածախնդրութունից, որը ոչ միայն կաթվածահար կանի ՀՀ իշխանության թևերից մեկը՝ դատական իշխանությունը, կապակայունացնի երկրում վիճակը, այլ ուղղակի սպառնալիք է Հայոց պետականությանը։ Պահանջում եմ իրենից չեղարկել այն, տեղեկացնել այդ մասին իր կողմնակիցներին և հասարակությանը, և այսուհետ զերծ մնալ դատական իշխանության վրա ճնշման ցանկացած փորձից և գործողությունից, երաշխավորել դատական իշխանության անկախությունը և վերացնել դրան ուղված ցանկացած գործողություն և սպառնալիք։

3․ ՀՀ իրավապահ մարմիններին կոչ եմ անում օրենքով իրենց վերապահված բոլոր լիազորությունների շրջանակներում անհապաղ ձեռնարկել միջոցներ Սահմանադրական կարգի տապալումը կանխելու ուղությամբ։ Որևէ պարագայում թույլ չտալով դատարանների աշխատանքների կազմալուծում և արդարադատության իրականացմանը խոչըդոտելու փորձ։

4․ ՀՀ Զինաված ուժերին կոչ եմ անում ցուցաբերել առավելագույն զգոնություն, հաշվի առնելով, որ Հայաստանի ներկայիս իշխանությունների կողմից երկիրը տարվում է ուղղակի ապակայունացման, ինչից հնարավոր է որ օգտվեն մեր հակառակորդները։ Հայաստանի զինված ուժերը, շարքային զինվորից մինչև սպայական բարձրագույն կազմ, պետք է գիտակցեն, որ նման իրավիճակում իրենք են հանդիսանում Հայաստանի Հանրապետության անվտանգության հիմնական երաշխավորը։

5․ ՀՀ դատական մարմիններին կոչ եմ անում ամեն կերպ շարունակել իրենց բնականոն գործունեությունը և իրականացնել արդարադատություն։

6․ Նիկոլ Փաշինյանի սթափ մնացած կողմնակիցներին կոչ եմ անում ամեն կերպ խորըդոտել իրենց ղեկավարի օրենքից դուրս գործողություններին, հիշելով, որ առաջին հերթին դուք Հայաստանի քաղաքացիներ եք ու երկրի ապակայունացումից տուժելու են բոլորը։

7․ Հայաստանի Հանրապետության հասարակական և քաղաքական բոլոր ուժերին և անհատներին, որոնք չենք կորցրել սթափությունը և պատասխանատվությունը պետության և ազգի առաջ, կոչ եմ անում անհապաղ սկսել քաղաքական կոնսուլտացիաները, Հայասատանի ներկայիս իշխանությունների ապօրինի քայլերը կանխելու, ու ստեղծված իրավիճակից ելքեր գտնելու համար»։

Կիսվել նյութով