ՔՊ-ում վայնասուն է սկսվել
ՔՊ-ում վայնասուն է սկսվել
Ազգային Ժողովի «Հայաստան» խմբակցության պատգամավոր Քրիստինե Վարդանյանն իր ֆեյսբուքյան էջում անդրադարձել է Արցախի նախագահ Սամվել Շահրամանյանի հայտարարությանը։ Հիշեցնենք, որ Շահրամանյանը հայտարարել էր, որ Արցախի լուծարման փաստաթուղթ այլևս գոյություն չունի։
Շահրամանյանի հայտարարությունն իսկական խուճապ է առաջացրել ՔՊ-ի շարքերում։ Մասնավորապես, Քրիստինե Վարդանյանը նշում է, որ ՔՊ-ի և Ալիևի շահերն ու հռետորաբանությունը վաղուց նույնական են և իրենք դա ապացուցում են իրենց ամեն քայլով։
Հրապարակումն ամբողջությամբ ստորև՝
«2 ամիս առաջ ՔՊ-ն Սամվել Շահրամանյանին մեղադրում էր ուժի ակնհայտ սպառնալիքի տակ, այլընտրանքի բացակայության պայմաններում փաստաթուղթ ստորագրելու մեջ:
Երեկ Շահրամանյանը հայտարարել է, որ այդպիսի (ի սկզբանե անօրինական) փաստաթուղթ այլևս գոյություն չունի:
Ու…..
ՔՊ-ում վայնասուն է սկսվել այս առիթով. «Ոնց կարող է որևէ մեկը համարձակվել չեղարկել կապիտուլյացիան, չէ որ քանի մենք կանք կապիտուլյացիան պետք է հավերժ լինի» փաստացի սա են ասում ՔՊ-ականները:
Եթե այսքան լավ չճանաչեինք այս մարդկանց, կարելի էր զարմանալ ինչու են այդքան շահագրգռված անօրինական փաստաթղթի գոյությունով, որի միակ շահառուն Ալիևն է:
Բայց դե ՔՊ-ի ու Ալիևի և´ շահերը, և´ հռետորաբանությունը վաղուց նույնական են ու իրենք իրենց ամեն քայլով դա ապացուցում են:
Իսկ հայկական ցանկացած իշխանության պարագայում սա քայլ է, որը կարելի է օգտագործել և´ միջազգային գործընկերների հետ հարաբերություններում, և´ Ադրբեջանի հետ բանակցություններում»:
