Հանդիպումը կայացավ. ինչ է խոստացել Փաշինյանն օպերայի թատրոնի աշխատակիցներին

Հանդիպումը կայացավ. ինչ է խոստացել Փաշինյանն օպերայի թատրոնի աշխատակիցներին

Դիրիժոր Հարություն Արզումանյանը լրագրոցների հետ զրույցում ասեց, որ Փաշինյանի հետ հանդիպման ժամանակ վարչապետը վստահեցրեց՝ ներկա պահին Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն դրսից չի նշանակվի։

Արզումանյանը նշեց, որ Փաշինյանը խոստացել է՝ եթե Օրբելյանի` աշխատանքից ազատման համար ներկայացված փաստարկներից որևէ մեկը կեղծ լինի, ներկայացնողն անմիջապես կպատժվի և կազատվի աշխատանքից։

Հիշեցնենք՝ Ալեքսանդր Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը մարտի 26-ի երեկոյան մշակույթի նախարարությունից նամակ էր ստացել այն մասին, որ ապրիլի 1-ից այլևս չի զբաղեցնելու թատրոնի տնօրենի պաշտոնը։

Թատրոնի աշխատակիցներն այսօր առավոտյան հավաքվել էին կառավարության շենքի դիմաց և ուզում էին նամակ հանձնել վարչապետ Նիկոլ Փաշինյանին։

Թատրոնի տնօրենն ու կոլեկտիվը մտադիր են դատի տալ մշակույթի նախարարի պաշտոնակատար Նազենի Ղարիբյանին, ինչպես նաև պահանջում են վերջինիս հրաժարականը

Մանրամասները՝ տեսանյութում․

Մեկնաբանել
Կիսվիր ընկերներիդ հետ
  • 7
    Shares
Loading...
Загрузка...