ՀՀ վարչապետ Նիկոլ Փաշինյանը ժամանել է Փարիզ
Հայաստանի վարչապետ Նիկոլ Փաշինյանի ղեկավարած պատվիրակությունը ժամանեց Փարիզ։
Փաշինյանը երկօրյա այց է կատարում Ֆրանսիայի նախագահ Էմանյուել Մակրոնի հրավերով։
Երկու երկրների ղեկավարները առաջին անգամ հանդիպել էին Բրյուսելում՝ ՆԱՏՕ-ի գագաթնաժողովին: Հոկտեմբերին էլ Հայաստան է գալու Էմանյուել Մակրոնը՝ ֆրանսախոս մի շարք այլ երկրների առաջնորդների հետ մասնակցելու Ֆրանկոֆոնիայի գագաթնաժողովին:
Այսօր Հայաստանի վարչապետը Փարիզի կենտրոնում վեր խոյացող Կոմիտասի հուշարձանի մոտ ծաղկեպսակ կտեղադրի, ապա նաև հայ համայնքի ներկայացուցչների հետ է հանդիպում նախատեսված։
Վաղը այցելության պաշտոնական մասն է՝ տեղի կունենան Մակրոն-Փաշինյան բանակցությունները, Հայաստանի ղեկավարը լինելու է նաև Փարիզի քաղաքապետարանում:
Աղբյուր՝ armlur.am
