«Ցանկացած մարդ իրավունք ունի զբաղվելու քաղաքականությամբ»․ Ծառուկյանը՝ Քոչարյանի վերադարձաի մասին
«Այդպիսի հարց առօրյայում չկա, բայց ցանկացած մարդ իրավունք ունի զբաղվելու քաղաքականությամբ»,-այսօր լրագրողների հետ զրույցում այս մասին ասաց ԱԺ «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանը՝ պատասխանելով հարցին՝ հնարավո՞ր է ԲՀԿ-ն համագործակցի Ռոբերտ Քոչարյանի հետ։
Հարցին՝ որ դեպքում կհամագործակցեն Քոչարյանի հետ, նա չպատասխանեց՝ նշելով, որ առաջիկայում նման հարց չունեն օրակարգում։ Լրագրողները հետաքրքրվեցին՝ Ռոբերտ Քոչարյանի նկատմամբ քաղաքական հետապնդման տարրեր տեսնո՞ւմ է։
Ի պատասխան՝ Ծառուկյանն ասաց, որ հարցը իրավական տիրույթում է. «Այնտեղ քննում են, պատասխանները կասեն, նոր մենք մեր տեսակետները կասենք»։
Աղբյուր՝ 168.am
