500 հազար դոլար իմ անձնական միջոցներից հավաքականին պարգևատրում եմ տվել. Ռուբեն Հայրապետյան
«Մակեդոնիա-Հայաստան խաղից հետո բոլորդ կհիշեք` Էրդողանը գնացել էր Մակեդոնիա և ասել էր, որ Հայստանին հաղթեք 3 միլիոն եվրո փող եմ տալու: Ես տղաներին ասել եմ, խոշոր հաշվով Մակեդոնիային հաղթում եք՝ մեծ պարգև եմ տալիս և 500 հազար դոլար տվել եմ այդ խաղի համար պարգևավճար ամբողջ թիմին, բնականաբար, իմ անձնական գումարներից»:
Այս մասին ասեց ՀՖՖ նախկին նախագահ Ռուբեն Հայրապետյանը, երեկ՝ դեկտեմբերի 16-ին, «Երկիր մեդիա» ՀԸ «Երկրի հարցը» հաղորդման ժամանակ։
Նրա խոսքով` պարգևավճարներ էլի են եղել, սակայն ոչ այդքան մեծ և դարձյալ իր անձնական միջոցներից:
«Թող մի հատ նայեն էլի, իմ տղան էր բերում այդ գումարները ու հիմա ասում է` պապ, ինչի՞դ է պետք: Ամենացավալին այն է, որ այդքանից հետո, որ հայտարարում են, թե գումար եմ հափշտակել ու իմ տված գումարները, ծիծաղելի է ուղղակի:
Այնպես եք անում, որ էլ հետագայում մարդ չգա, ուզենա իր անձնական գումարները ծախսի, պարգևատրումներ անի, նպատակը որն է, լավ ինչքան պետք է նախկիններին մեղադրելով ապրել»,- ասաց նա:
