Սիլվի Բարկովան որդեգրել է երեխա․ բացառիկ մանրամասներ
Հնդկաստանում բնակություն հաստատած Սիլվի Բարկովան վերջին շրջանում ավելի հաճախ է սկսել իր հետևորդների հետ կիսվել նոր գրառումներով ու հրապարակումներով։
Հերթական հրապարակման ընթացքում Սիլվին բացահայտել է, որ դեռ տարիներ առաջ փոքրիկ աղջկա է որդեգրել՝ չնայած ընկերների և մտերիմների բացասական վերաբերմունքին ու հորդորներին։ Նա պատմել է իր կյանքի այդ կարևոր շրջանի մասին՝ նշելով.
«Ես 20 տարեկան էի, երբ որդեգրեցի այս փոքրիկ աղջկան։ Նա ընդամենը 11 ամսական էր։ Բոլորն ինձ ասում էին, որ ես խելագարվել եմ։
Ընկերներիցս շատերը կարծում էին, որ նա կխանգարի ինձ հասնել իմ կարիերայի նպատակներին, քանի որ կխլի իմ ամբողջ ժամանակը, էներգիան և ուշադրությունը։ Նրանք ասում էին, որ ես պետք է կենտրոնանամ կրթությանս և կարիերա ստեղծելու վրա։
Բայց ես ոչ մեկին չլսեցի։ Ես չէի կարող համակերպվել այն մտքի հետ, որ նա կարող էր հայտնվել մանկատանը։
Այդ պատճառով որոշեցի պահել նրան, և մեկ ամբողջ տարի ես խնամեցի նրան։ Սակայն հետո նրա մոր առողջական վիճակը բարելավվեց, և նա որոշեց հետ վերադարձնել իր երեխային։
Նրան բաց թողնելը ամենադժվար բանն էր, որ երբևէ ստիպված եմ եղել անել։
Ես դեռ հիշում եմ նրա վերջին հայացքը, երբ նա մեքենայից նայում էր ինձ։ Կարծես նա լուռ խնդրում էր. «Խնդրում եմ, բաց մի թող ինձ։ Խնդրում եմ, մի լքիր ինձ։ Ես չեմ ուզում հեռանալ»։
Նույնիսկ հիմա ես դեռ տեսնում եմ այդ աչքերը, և դրանք մինչ օրս կոտրում են իմ սիրտը»,- գրել է Սիլվին։
