Մամուլ

Հայտնի է ինչպես է փոխանցվում Կապիկի ծաղիկ վիրուսը

Հայտնի է ինչպես է փոխանցվում Կապիկի ծաղիկ վիրուսը

ԱՀԿ-ի տվյալներով վերջին շաբաթների ընթացքում մի շարք երկրներում արձանագրվել է կապիկի ծաղիկի դեպքեր, որոնք կապված չեն ճանապարհորդությունների հետ։

Այս մասին այսօր հրավիրված ասուլիսում ասաց ՀՎԿԱԿ-ի մարդու և կենդանիների համար ընդհանուր հիվանդությունների համաճարակաբանության բաժնի պետ Լուսինե Պարոնյանը։

Ըստ Պարոնյանի, այս հիվանդության դեպքերն արձանագրվում էին հիմնական աֆրիկյան մայրցամաք ճանապարհորդելուց հետո և հենց ճանապարհորդած անանց շրջանում։

Իսկ այս վերջին դեպքերը կապված չեն ճանապարհորդելու հետ, մի շարք երկրներում ուժեղացվել է հսկողությունը վաղ ախտորոշման և մեկուսացման համար։

kapiki jrcaxik 1

Կապիկի ծաղիկի վիրուսը մարդուց մարդուն փոխանցվում է միայն սերտ եւ երկարատև շփման հետևանքով և մասնագետի փոխանցմամբ, վիրուսն օդակաթիլային եղանակով չի կարող փոխանցվել։

Այս պահին գրանցել է հիվանդացության 92 դեպք՝ 13 երկրներում։

Նշենք, որ ԱՀԿ-ի տվյալներով դեպքեր են գրանցվել Ավստրալիայում, Բելգիայում, Կանադայում, Ֆրանսիայում, Գերմանիայում, Նիդերլանդներում, Իսպանիայում, Մեծ Բրիտանիայում։

Սա ԴՆԹ վիրուս է, այն համավարակ առաջացնելու հակում չունի եւ գաղտնի շրջանում վարակիչ չէ, իսկ քովիդը ՌՆԹ վիրուս է, որը հակում ունի շատ արագ փոփոխվելու, իսկ ԴՆԹ վիրուսը հազարավոր անգամներով փոփոխվելու հակումը պակաս է։

Կապիկի ծաղիկ վիրուսը (Orthopoxvirus) նման է բնական ծաղկի վիրուսին:

«Սերտ շփման դեպքում հնարավոր է փոխանցումը և քանի որ ոչ ավանդական սեռական կողմնորոշում ունեցող տղամարդկանց մոտ է արձանագրվել, համարվում է, որ կարող է նաեւ սեռական ճանապարհով փոխանցված լինի, բայց սա վարկած է, դեռ ստուգվում է»,-ասաց Պարոնյանը։

Հիվանդության գաղտնի շրջանը սովորաբար տևում է 5-21 օր, բնորոշ ախտանշաններն են՝ տենդ, սաստիկ գլխացավ, լիմֆատիկ հանգույցների մեծացում, ցավ մեջքի շրջանում, մկանացավ, արտահայտված թուլություն:

Տենդի սկզբից 1-3 օր անց ի հայտ է գալիս ցանավորումը, ցանը սկսվում է դեմքի շրջանից և ապա տարածվում մարմնի տարբեր հատվածներում:

Չնայած այն փաստին, որ հիվանդությունն ընթանում է շատ ավելի թեթև, ախտանշաններն ինքնուրույն անհետանում են մի քանի շաբաթվա ընթացքում, սակայն որոշ դեպքերում այն կարող է հանգեցնել բարդությունների և նույնիսկ մահվան (մահաբերությունը՝ 1%-10%): 

Կապիկի ծաղկի կանխարգելման նապատակով անհրաժեշտ է.

խուսափել ախտանշաններ ունեցող անձի հետ երկարատև սերտ շփումից,

չներկրել Էկզոտիկ կապիկներ (պրիմատներ) և կրծողներ,

կենդանական միս կամ դրանց մասեր պարունակող բոլոր մթերքները ենթարկել բավարար ջերմային մշակման, որը պաշտպանում է ինչպես այս, այնպես էլ՝ այլ վարակիչ հիվանդություններից,

կենդանաբանական այգիներ այցելելիս խուսափել կապիկների և կրծողների հետ շփումներից։

Կիսվել նյութով