Կրեմլն արձագանքել է Փաշինյանի՝ ՀԱՊԿ-ից դուրս գալու հայտարարությանը
Երևանն ազատ է որոշում կայացնելու ՀԱՊԿ-ից դուրս գալու մասին, եթե Հայաստանը այլևս անդամակցության կարիք չունի, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Երկուշաբթի օրը ավելի վաղ Հայաստանի վարչապետ Նիկոլ Փաշինյանը հայտարարել էր, որ գոհ կլինի, եթե ՀԱՊԿ-ը հեռացնի Հայաստանին կազմակերպությունից։
«Եթե Երևանին այլևս անհրաժեշտ չէ անդամակցությունը տարածաշրջանային անվտանգության նման կարևոր կազմակերպությանը, ապա ազատ է համապատասխան որոշում կայացնել և դուրս գալ այս կազմակերպությունից», – լրագրողներին ասել է նա։
Հիշեցնենք՝ այսօր Նիկոլ Փաշինյանը, խորհրդարանում ներկայացնելով կառավարության ծրագիրը, հայտարարել էր, որ Երևանը չի պլանավորում ակտիվացնել իր աշխատանքը Հավաքական անվտանգության պայմանագրի կազմակերպությունում առաջիկա հինգ տարիների ընթացքում։
