Մամուլ

Առանձնակի դաժանությամբ սպանություն՝ Երևանում. Դավիթ Բեկի փողոցում հայտնաբերվել է Հնդկաստանի քաղաքացու դի

Առանձնակի դաժանությամբ սպանություն՝ Երևանում. Դավիթ Բեկի փողոցում հայտնաբերվել է Հնդկաստանի քաղաքացու դի

Shamshyan.com-ը գրում է․ Այսօր՝ օգոստոսի 28-ին, սահմռկեցուցիչ սպանություն է տեղի ունեցել Երևանում: Ժամը 09:00-ի սահմաններում ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի պարեկները ծառայություն կատարելիս են եղել, երբ նրանց է մոտեցել մի քաղաքացի ու հայտնել, որ Դաբիթ Բեկի փողոցում չգործող շինանյութի  տաղավարի բաց հատվածում՝ բազմոցի վրա դի կա:

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են  ՀՀ ոստիկանության պարեկային ծառայության  պետ Արթուր  Ումրշատյանը, պարեկային ծառայության Երևանի գնդի հրամանատար Անդրաիկ Իսախանյանն ու նույն գնդի 1-ին գումարտակի հրամանատար Արամ Դադոյանը:

Տեղում տարածքը սահմանազատել և ուժեղացված ծառայություն են կատարել նույն գումարտակի 2-րդ վաշտի ավագ պարեկներ Արտակ Մանուկյանն ու Արթուր Թևոսյանը:

Դեպքի վայր են ժամանել ոստիկանության Երևան քաղաք վարչության պետ Սևան Քոչարյանը, վարչության պետի օպերատիվ գծով տեղակալ Արթուր Զաքարյանը և նույն վարչության քրեական հետախուզության բաժնի պետ Հովհաննես Արիստակեսյանը:

shtap ognutyun di

Ժամանել է նաև ոստիկանության էրեբունու բաժնի օպերատիվ խումբը՝ բաժնի պետ Արմեն Գասպարյանի, բաժնի պետի օպերատիվ գծով տեղակալ Սենիկ Երանոսյանի գլխավորությամբ:

Ժամանել է նաև Հայաստանի քննչական կոմիտեի Երևան քաղաքի քննչական վարչության էրեբունի և Նուբարաշեն վարչական շրջանների քննչական բաժնի խումբը՝ բաժնի պետ Համբարձում Պետրոսյանի գլխավորությամբ, ում կողմից ստեղծվել է քննչական խումբ՝ հատկապես կարևոր գործերով ավագ քննիչ Մկրտիչ Ումրշատյանի գլխավորությամբ:

Ոստիկաններն ու քննիչները բազմոցին հայտնաբերել են երիտասարդ տղայի դի՝ գլխի մասի հատվում հարվածի մի քանի հետքերով:

Բազմոցի տակ և բազմոցի վրա առկա են արնանման հետքեր, երկաթյա լոմ, որի վրա նույնպես ակռա են արնանման հետքեր: Ոստիկանությունն ու քննչական բաժինը պարզում են մահացածի ինքնությունը: Փաստի առթիվ էրեբունի և Նուբարաշեն վարչական շրջանների քննչական բաժնում նախաձեռնվել է քրեական վարույթ:

Ոստիկանությունն ու քննչական բաժինը պարզում են սպանվածի ինքնությունը և ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ դեպքի հանգամանքները պարզելու, կատարողին կամ կատարողների ինքնությունը պարզելու, նրանց հայտնաբերելու  ուղղությամբ:

Գ. Շամշյանի տեղեկություններով՝ սպանվածը Հնկաստանի Հանրապետության քաղաքացի էր, ով սովորում էր  Երևանի բուհերից մեկում:

Կիսվել նյութով