Բաստուրմա-սուջուխ և թանկարժեք կոսմետիկա. Քիմ Քարդաշյանի դիմահարդարը զբոսնել է Երևանում
Աշխարհահռչակ ամերիկահայ հեռուստաաստղ Քիմ Քարդաշյանի դիմահարդարը ՝ Մարիո Դեդիվանովիչը, զբոսնել է Երևանում և Instagram–ի սթորիզում հետաքրքիր կադրեր հրապարակել։
Նշենք, որ Մարիո Դեդիվանովիրչը Հայաստան է ժամանել Քարդաշյանի հետ, որը դարձել է Երևանում ընթացող WCIT 2019 համաժողովի մասնակիցներից մեկը։
Դիմահարդարն այցելել է Երևանի կենտրոնում գտնվող կոսմետիկայի խանութ, ուսումնասիրել և փորձարկել կոսմետիկան և դրանք համեմատել այն կոսմետիկ միջոցների հետ, որոնք թողարկում է «Քարդաշյան–Ուեսթ» ապրանքանիշը։
«Ռևիզորը» հայլայթերները, տոնային քսուկները տնտղելուց հետո ուղևորվել է ռեստորան։
Այստեղ նա համտեսել է հայկական բանջարեղենային աղցան և ավանդական բաստուրմա ու սուջուխ։ Նա այդ լուսանկարը ևս հրապարակել է իր բաժանորդների համար։
Հիշեցնենք, որ համաշխարհային հեռուստաաստղ Քիմ Քարդաշյանը Երևան է ժամանել` մասնակցելու WCIT 2019–ին, որն անցկացվելու է հոկտեմբերի 6-9–ը։ Քարդաշյանը համաժողովին մասնակցում է որպես հատուկ զեկուցող և մոդերատոր։
Աղբյուր՝ armeniasputnik.am
