ԵՊԲՀ-ի լաբորատորիայում հրդեհ է բռնկվել

Սեպտեմբերի 21-ին, ժամը 19։04-ին Ճգնաժամային կառավարման ազգային կենտրոն ահազանգ է ստացվել, որ Երևանի Բժշկական համալսարանի աշխատասենյակներից մեկում հրդեհ է բռնկվել։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։

Պարզվել է, որ հրդեհը բռնկվել է ԵՊԲՀ-ի լաբորատորիայում։

Հրդեհը մեկուսացվել է ժամը 19։50-ին, մարվել՝ 20։14-ին։

Մեկ անձ հոսպիտալացվել է բժշկական կենտրոն։