Ինչո՞վ է օգտակար բրոկոլին և ինչպե՞ս այն ճիշտ պատրաստել, որպեսզի վիտամինները չվերանան

Ինչո՞վ է օգտակար բրոկոլին և ինչպե՞ս այն ճիշտ պատրաստել, որպեսզի վիտամինները չվերանան

Հայաստանում արդեն աճեցվում է բրոկոլի, ուստի հայտնվել է մեր շուկայում, և պետք է դրանից օգտվել: Այս հրաշագործ կաղամբը լի է վիտամիններով, իսկ վիտամին C-ն 2,5 անգամ գերազանցում է նարնջինը: Այդ գանձը պահպանելու համար հարկավոր է բրոկոլին ճիշտ պատրաստել:

Այն պետք է գցել եռացող աղով ջրի մեջ ու եփել 4-5 րոպեից ոչ ավելին:

Համեղ չէ, գիտեմ: Համ տալու համար խորհուրդ եմ տալիս պատրաստելուց հետո քերել պարմեզան կամ մեր լոռին: Պանրին շատ լավ է սազում: Հատկապես խորհուրդ կտայի մամաներին պատրաստել երեխաների համար: Ընտիր է նաև սննդակարգին հետևողների համար:

Բրոկոլիի սննդային արժեքը և օգտագործման խորհուրդներ

Բրոկոլին, բացի վիտամին C-ից, պարունակում է նաև վիտամին K, բջջանյութ, ֆոլաթթու և մի շարք հակաօքսիդանտներ, ինչպիսին է սուլֆորաֆանը, որը ակտիվորեն ուսումնասիրվում է սննդագիտության մեջ։ Բջջանյութով հարուստ լինելով՝ բրոկոլին նպաստում է մարսողության բնականոն աշխատանքին և երկար ժամանակ կուշտության զգացողություն է ապահովում։

Եփման եղանակը կարող է զգալիորեն ազդել սննդանյութերի պահպանման վրա. երկարատև եռացնելը կարող է կորցնել վիտամինների զգալի մասը, մինչդեռ գոլորշու վրա եփելը կամ կարճատև խաշելը օգնում է ավելի շատ սննդանյութեր պահպանել։ Համային նախասիրություններից ելնելով՝ կարելի է փորձարկել տարբեր եղանակներ (գոլորշեփում, կարճատև խաշում, թխում) և գտնել այն մեկը, որ ամենահաճելին է թվում։