Անհնարին են դարձնում իմ հետագա ներգրավվածությունը․ Էդմոն Մարուքյանը պաշտոնից ազատման դիմում է ներկայացրել
Անհնարին են դարձնում իմ հետագա ներգրավվածությունը․ Էդմոն Մարուքյանը պաշտոնից ազատման դիմում է ներկայացրել
Էդմոն Մարուքյանը ֆեյսբուքյան իր էջում տեղեկացնում է, որ ազատվել է ՀՀ Հատուկ Հանձնարարություններով Դեսպանի պաշտոնից։
«Սիրելի՛ հայրենակիցներ,
Տեղեկացնում եմ, որ Վարչապետ Նիկոլ Փաշինյանին եմ ներկայացրել ՀՀ Հատուկ Հանձնարարություններով Դեսպանի պաշտոնից ազատման դիմում:
Մեր պետության և տարածաշրջանի համար ստեղծված բարդ ժամանակաշրջանում բարձր պատասխանատվությամբ ստանձնել և մեծ նվիրումով իրականացրել եմ այս առաքելությունը:
Սակայն վերջին շրջանում մի շարք արտաքին քաղաքական հիմնարար հարցերի շուրջ մեր տեսլականների տարբերություններն անհնարին են դարձնում իմ հետագա ներգրավվածությունը արտաքին քաղաքական ճակատում:
Վստահեցնում եմ, որ շարունակելու եմ ծառայել պետությանն ու ժողովրդին և իմ գիտելիքներն ու փորձը, ինչպես նաև միջազգային կապերը ներդնել Հայաստանի Հանրապետության ազգային-պետական շահերի պաշտպանության գործին:
Աստված պահապան Հայաստանի Հանրապետությանը:
Էդմոն Մարուքյան»։
