Տրակտորի վարորդը ձերբակալվել է՝ 6-ամյա աղջկան վրաերթի ենթարկելու կասկածանքով. ՔԿ
Տրակտորի վարորդը ձերբակալվել է՝ 6-ամյա աղջկան վրաերթի ենթարկելու կասկածանքով. ՔԿ
2021թ. սեպտեմբերի 16-ին` ժամը 12:45-ի սահմաններում, Մեղրի համայնքի 37-ամյա բնակիչը, նույն համայնքի Լեհվազ բնակավայրի միջնակարգ դպրոցի մերձակա ճանապարհին վարելով ՍՊ ընկերության «CLG-856» մակնիշի բարձիչ տրակտորը, վրաերթի է ենթարկել նշված գյուղի անչափահաս բնակչուհուն՝ ծնված 2015թ., որը ստացած մարմնական վնասվածքներից տեղում մահացել է:
ՔԿ-ից Bavnews.am-ին հայտնում են, որ դեպքի առթիվ ՀՀ քննչական կոմիտեի Սյունիքի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասի հատկանիշներով:
Քրեական գործով նշանակվել է դիակի դատաբժշկական փորձաքննություն, 37-ամյա տղամարդը ձերբակալվել է:
Ավելի վաղ հայտնել էինք, որ ողբերգական դեպք է տեղի ունեցել Սյունիքի մարզում։ 37-ամյա վարորդը վրաերթի է ենթարկել 6-ամյա աղջնակին, վերջինս տեղում մահացել է։
