ՄամուլՏեսանյութ

«Սենց անգամ հանցագործին բերման չեն ենթարկում»․ լարված իրավիճակ՝ Աբովյանի դպրոցում (Տեսանյութ)

«Սենց անգամ հանցագործին բերման չեն ենթարկում»․ լարված իրավիճակ՝ Աբովյանի դպրոցում (Տեսանյութ)

Լարված իրավիճակ Աբովյանի թիվ 1 ավագ դպրոցում․ ոստիկանները բերման ենթարկեցին դպրոցի պատմության ուսուցիչ Հայկ Փայտյանին։ Այդ պահին դպրոցում էին նաև ծնողներ և ուսուցիչներ, որոնք փորձում էին կանխել ուսուցչին բերման ենթարկելու՝ ոստիկանների գործողությունը, ինչից կրքերը բորբոքվեցին և քաշքշուկ սկսվեց ոստիկանների և ուսուցիչների միջև։

«Սենց անգամ հանցագործին բերման չեն ենթարկում»,- ասաց ներկաներից մեկը։

abovyan dproc

Ուսուցիչները ոստիկաններից պահանջեցին ներկայացնել, թե ո՞րն է Հայկ Փայտյանին բերման եթարկելու պատճառը, ինչին ոստիկաններից մեկը պատասխանեց, որ պատճառը Փայտյանին կասեն արդեն ոստիկանության բաժնում։

Ի դեպ, այդ միջադեպին ներկա էր նաև դպրոցի նորանշանակ տնօրեն Քարմիլե Առաքելյանը, ում հրաժարականի պահանջով, շուրջ 40 օր է, դպրոցում դասադուլ և գործադուլ է։ Նա լուռ հետևում էր տեղի ունեցածին, ապա բարձրացավ իր աշխատասենյակ։

Տեսանյութը ստորև

Կիսվել նյութով