Սարսափելի դեպք․ ծառի տակ հայտնաբերվել են խոշտանգված առնետներ
Ռուսաստանի Պուշկին քաղաքում դաժան դեպք է գրանցվել։
Քաղաքային այգիներից մեկում դեռահասը հայտնաբերել է տուփ, որի մեջ եղել են հինգ ծանր վնասվածքներ ստացած առնետներ։ Կենդանիները հայտնաբերման պահին դեռ կենդանի էին։
Դեպքի վայր ժամանած կամավորների տեղեկացմամբ՝ առնետների վիճակը ծայրահեղ ծանր էր։
Նրանցից մեկը սատկել է մինչև օգնություն ստանալը, իսկ մնացածներին տեղափոխել են անասնաբուժական կենտրոն, որտեղ բժիշկները շարունակում են պայքարել նրանց կյանքի համար։
Միջադեպը մեծ դժգոհություն և վրդովմունք է առաջացրել տեղի բնակիչների ու կենդանապաշտպանների շրջանում։
Ակտիվիստները մտադիր են դիմել իրավապահներին՝ պահանջելով բացահայտել և պատասխանատվության ենթարկել կենդանիների նկատմամբ դաժան վերաբերմունք ցուցաբերած անձին։
Դեպքը լայն արձագանք է գտել նաև սոցիալական ցանցերում, որտեղ բազմաթիվ օգտատերեր պահանջում են խիստ պատիժ սահմանել մեղավորի նկատմամբ։
