Ռուսաստանը հռթիռակոծում է Ուկրաինական քաղաքները
Ռուսաստանը հռթիռակոծում է Ուկրաինական քաղաքները
Երկուշաբթի՝ հոկտեմբերի 10-ի առավոտյան, չորս պայթյուն է որոտացել Կիևում։ Այն տեղի է ունեցել առավոտյան ժամը 08:25-ի սահմաններում։ Տեղական իշխանություններն արդեն հաստատել են մայրաքաղաքի հրթիռակոծումը:
Ուկրաինայի արտակարգ իրավիճակների պետական ծառայության ներկայացուցիչ Սվետլանա Վոդոլագան հեռուստաալիքներից մեկին հայտնել է, որ Կիևի հրթիռակոծության հետևանքով կան վիրավորներ և զոհեր։
Ներքին գործերի նախարարի խորհրդական Ռոստիսլավ Սմիրնովի խոսքով՝ մայրաքաղաքի Շևչենկոյի շրջանում զոհվել է 8 մարդ, ևս 24 խաղաղ բնակիչ վիրավորվել է։
Ուկրաինայի Անվտանգության ծառայությունը տեղեկացրել է նաև, որ ռուսական զորքերն ակտիվ հրթիռակոծում են այլ քաղաքները։
Լվովի մարզի ղեկավար Մաքսիմ Կոզիցկին հայտարարել է շրջանի էներգետիկ ենթակառուցվածքների վրա հարձակումների մասին։
Մասնավորապես հարվածներ են հասցվել Զապորոժիե, Կիև, Լվով, Ժիտոմիր քաղաքներին։
Զապորոժիեի ռազմական վարչակազմի ղեկավարը նույնպես հայտարարել է քաղաքի վրա հրթիռային հարձակման մասին. – «Զապորոժիեի կենտրոնում հրթիռակոծության հետևանքով կրկին ավերվել է բազմահարկ բնակելի շենք։ Կան զոհեր»։
