Ողբերգական վթարի հետևանքով զոհված Volkswagen-ի վարորդը 35-ամյա Մառլեն Մարգարյանն է. նա «Այբ» դպրոցի վարորդն էր
Ողբերգական վթարի հետևանքով զոհված Volkswagen-ի վարորդը 35-ամյա Մառլեն Մարգարյանն է. նա «Այբ» դպրոցի վարորդն էր
Շիրակի մարզի ողբերգական վթարի հետեւանքով զոհված Volkswagen-ի վարորդը 35-ամյա Մառլեն Մարգարյանն է, նա վաղուց էր համագործակցում «Համշեն» տուրի հետ: Այս մասին News.am-ին հայտնեց նրա ընկերներից մեկը:
Մառլենը արմատներով Ախալցխայից էր, ապրում էր Երեւանում, աշխատում էր նաեւ «Այբ» դպրոցում՝ որպես վարորդ: Մառլենն ամուսնացած էր, ունի 8 տարեկան որդի եւ մանկահասակ դուստր:
«Կյանքի մարդ, ուժեղ ու հզոր վարորդ, բարի, աշխատասեր, հավատս չի գալիս, որ Մառլենն էլ չկա»,- ասաց նրա ընկերը:
Հիշեցնենք, որ օգոստոսի 14-ի գիշերը, Երեւան-Գյումրի ավտոճանապարհին՝ Լանջիկ գյուղի մոտակայքում տեղի է ունեցել ողբերգական ավտովթար։ Երեւան-Գյումրի ավտոճանապարհի 90-րդ կմ-ին բախվել են «Volkswagen» մակնիշի ուղեւորափոխադրող միկրոավտոբուսը եւ «ZIL» մակնիշի բեռնատարը։
Զոհվել է 11 քաղաքացի, այդ թվում՝ միկրոավտոբուսի վարորդը եւ «Համշեն տուրի» զբոսավարը, ծանր վիրավորել՝ 6-ը։ Տուժածներից 5-ը վերակենդանացման բաժանմունքում են, նրանցից 4-ի վիճակը ծանր է, մեկինը` ծայրահեղ ծանր: Վիրավորների թվում է նաեւ «ZIL»–ի վարորդը։
Ողբերգական վթարի ուղևորները վերադառնում էին Արեւմտյան Հայաստան ուղեւորությունից։