Ողբերգական դեպք՝ Երևանում. «Ուիգմոր կանանց և երեխաների հիվանդանոց»-ում 1,5-ամյա երեխան մահացել է
Ողբերգական դեպք՝ Երևանում. «Ուիգմոր կանանց և երեխաների հիվանդանոց»-ում 1,5-ամյա երեխան մահացել է
Shamshyan.com-ի տեղեկություններով՝ դեկտեմբերի 27-ին ողբերգական դեպք է տեղի ունեցել Երևանում:
Ժամը 14:50-ի սահմաններում ՀՀ ներքին գործերի նախարարության Ոստիկանության օպերատիվ կառավարման կենտրոն ահազանգ է ստացվել Երևան քաղաքի Քանաքեռ-Զեյթուն վարչական շրջանում գործող «Ուիգմոր կանանց և երեխաների հիվանդանոցից» և հայտնել են որ իրենց մոտ ընդունված երեխան մահացել է:
Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Քանաքեռ-Զեյթունի բաժնի օպերատիվ խումբը՝ համայնքային ոստիկանության բաժնի տեսուչի գլխավորությամբ:
Ոստիկանները պարզել են, որ մահացածը Արարատի մարզի բնակիչ 1.5-ամյա Դավիթ Ս.-ն է, ով մահացել է հիվանդանոցում, նույն օրը՝ ժամը 14:25-ի սահմաններում:
Դեպքի փաստով ոստիկանության Քանաքեռ-Զեյթունի բաժնում փաստաթղթեր են ձևակերպվել, որոնք փոխանցվել են Հայաստանի քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժին:
