Ողբերգական ավտովթար` Սյունիքի մարզում
Ողբերգական ավտովթար` Սյունիքի մարզում
Shamshyan.com-ը գրում է․ Այսօր՝ հոկտեմբերի 11-ին, խոշոր ու ողբերգական ավտովթար է տեղի ունեցել Սյունիքի մարզում։
Ժամը 17:40-ի սահմաններում Երևան-Երասխ-Մեղրի ավտոճանապարհին՝ Անգեղակոթ գյուղի վարչական տարածքում, բախվել են Mercedes, ՎԱԶ- 2106 և ՎԱԶ-2105 մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 4 հոգի տարբեր աստիճանի մարմնական վնասվածքներով տեղափոխվել են «Սիսիան» բժշկական կենտրոն։
Վիրավորներին առաջինը օգնության են հասել քաղաքացիները և օպերատիվորեն ժամանած «Սիսիան» բժշկական կենտրոնի շտապօգնության բժիշկների հերթապահ խումբը։Օպերատիվորեն ժամանել են ՀՀ Ներքին գործերի նախարարության փրկարար ծառայության Սիսիանի հրշեջ-փրկարարական ջոկատից 1 մարտական հաշվարկ։Հրշեջ-փրկարարները հոսանքազրկել են ավտոմեքենաները, փակել գազաբալոններն ու վիրավորներից մի քանիսին քաղաքացիների օգնությամբ մոտեցրել շտապօգնության ավտոմեքենաներին։
Քննիչի հանձնարարականով ավտոմեքենաները տեղափոխվում են Ոստիկանության Սիսիանի բաժնի պահպանվող հատուկ տարածք։Դեպքի վայր են ժամանել նաև ոստիկանության Սիսիանի բաժնի պետ Անտոն Անտոնյանն և բաժնի պետի օպերատիվ գծով տեղակալ Հովսեփ Գաբրիելյանը։
Գ. Շամշյանի տեղեկություններով մահացածը ոստիկանության Սիսիանի բաժնի ծառայող էր, ով ակտիվ մասնակցություն է ունեցել նաև Արցախյան 44-օրյա պատերազմում՝ իր գործընկերների հետ լինելով առաջնագծի ամենաթեժ կետերում։
Ոստիկանությունն ու քննչական բաժինը պարզում են վարորդների, մահացածի ու վիրավորների ինքնությունը։
