Շուտով Երևանում ռեփեռ Տիմատիի ձեռքով պատրաստած բուրգերները համտեսելու հնարավորություն կունենանք
Ռեփեր Տիմատին Հայաստանում բացում է իր առաջին «Black Star Burger»-ն ու ժամանցային ակումբը։ Tert.am Life-ը պարզել է մանրամասները՝ զրուցելով Երևանում Black Star Burger-ի մարկետինգի մենեջեր Յուրի Մինասյանի հետ։
Այսպիսով՝ Տիմատին Երևանում գնել է «Մարկո Պոլո» ռեստորանի տարածքը։ Արագ սննդի կենտրոնը կգործի մայիսի 1-ից, իսկ ահա պաշտոնական բացումը կլինի որոշ ժամանակ անց։ Բացման արարողությանը Հայաստան է ժամանելու նաև Տիմատին։
Լեյբլի հայ երկրպագուները հնարավորություն կունենան հանդիպելու Տիմատիին, քանի որ նա ոչ միայն անձամբ ներկա է գտնվելու բացման պաշտոնական արարողությանը, այլև պահպանելով ավանդույթը իր ձեռքով բուրգեր է պատրաստելու։
«Տիմատին միանշանակ լինելու է, լեյբլից այլ արտիստներ կլինե՞ն, թե՞ ոչ կամ ովքեր կլինեն, դեռ տեղեկություն չունենք»,- ասաց Յուրի Մինասյանը։ Black Star Burger-ին կից՝ նույն հասցեում կգործի նաև ժամանցի մեկ այլ վայր՝ ակումբ հատուկ ակտիվ և երաժշտական ժամանցի սիրահարների համար։
«Նախատեսվում է նաև ժամանցի ակումբ բացել, բայց ներքևի հարկում։ Սա գիշերային ակումբ չէ, կլինի հետաքրքիր ժամանցի վայր՝ մի հատվածում կլինի լաունջ, կլինեն պարեր, երաժշտություն՝ սովորական ակումբ»,- հավելեց Յուրի Մինասյանը։
Ակումբի բացման ժամկետը դեռ հայտնի չէ։ Այն կլինի ավելի ուշ, մարքետինգի մենեջերի խոսքուվ` ներկայումս առաջնայինը դեռ Black Burger-ն է։
Աղբյուր՝ tert.am
