Մուրացան փողոցում կրակոցների հետևանքով հիվանդանոց է տեղափոխվել 15-ամյա երեխա
Քիչ առաջ Shamshyan.com-ը հայտնեց, որ նշված վայրից մարմնական վնասվածքներով Երևանի մասնագիտացված հիվանդանոցներից մեկն է տեղափոխվել 15-ամյա տղա երեխա, ով, ըստ տեղեկությունների, հենց նշված վայրում է վիրավորում ստացել։
Նշենք, որ քիչ առաջ հայտնել էինք, որ մարտաֆիլմ հիշեցնող կրակոցներ են տեղի ունեցել Մուրացան 109 հասցեում։
Դեպքի վայրում հայտնաբերվել են կրակված պարկուճներ, արնանման հետքեր, «Mercedes G» մակնիշի և մի քանի այլ ավտոմեքենաներ, որոնց վրա առկա են կրակոցի հետքեր:
