Մանկապարտեզի աշխատակիցը դատապարտվել է

ԱՄՆ Հարավային Կարոլինա նահանգում անչափահասի նկատմամբ սեռական հանցագործություններ կատարելու մեղադրանքով դատապարտվել է 36-ամյա Հեզեր Նիկոլ Հիլը։ Այս մասին տեղեկացնում է Daily Mail-ը։

Հիլն աշխատում էր Siloam քրիստոնեական մանկապարտեզում, սակայն դեպքի բացահայտումից հետո ազատվել է զբաղեցրած պաշտոնից։

Նա ձերբակալվել է հուլիսի 18-ին՝ երեխաների նկատմամբ սեռական հանցագործություններ կատարելու կասկածանքով։

Ըստ քննության տվյալների՝ կնոջը մեղադրանք է առաջադրվել անչափահասին սեռական հարաբերության դրդելու, ինչպես նաև նրան անպարկեշտ բովանդակությամբ նյութեր փոխանցելու համար։

Հատկանշական է, որ Siloam կրթական կենտրոնն իրեն ներկայացնում է որպես հաստատություն, որն ապահովում է քրիստոնեական կրթություն՝ անվտանգ ու հոգատար միջավայրում։

Իրավապահ մարմինները միջադեպի վերաբերյալ լրացուցիչ մանրամասներ առայժմ չեն հայտնում։