Խոշոր ավտովթար Սյունիքի մարզում․ լեգենդար «Եղնիկներ» զորամասի 27-ամյա սպան տեղափոխվել է հոսպիտալ
Խոշոր ավտովթար Սյունիքի մարզում․ լեգենդար «Եղնիկներ» զորամասի 27-ամյա սպան տեղափոխվել է հոսպիտալ
Shamshyan.com-ի փոխանցմամբ՝ երեկ, հուլիսի 28-ին, խոշոր ավտովթար է տեղի ունեցել Սյունիքի մարզում։
Ժամը 20։00-ի սահմաններում Շիրակի մարզի բնակիչ 27-ամյա Արամ Խաչատրյանը իր վարած Mercedes մակնիշի ավտոմեքենայով Երևան-Մեղրի ավտոճանապարհի 204 կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել երկաթե արգելապատնեշներին և, մոտ 120 մետր մի քանի պտույտ շրջվելով, հայտնվել ձորում։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Ա․ Խաչատրյանը մարմնական վնասվածքներով տեղափոխվել է Սիսիանի բժշկական կենտրոն, որտեղ առաջին բուժօգնությունը ստանալուց հետո տեղափոխվել է Երևանի Մուրացանի անվան զինվորական հոսպիտալ։
Աղբյուրի տեղեկություններով՝ վիրավոր Ա․ Խաչատրյանը ապրիլյան 4-օրյա և Արցախյան վերջին 44-օրյա պատերազմների ամենակտիվ մասնակիցներից է եղել և ծառայությունն անցկացրել է Արցախի Հանարապետության լեգենդար «Եղնիկներ» զորամասում, ամենասիրված ու համարձակ, զինվորին գնահատող սպաներից է։
