Այսուհետ բոլոր 15 տարեկան աղջիկները կանցնեն հատուկ հետազոտություն՝ հետագայում մայրանալու հարցում խնդիրներից խուսափելու նպատակով
Այսուհետ բոլոր 15 տարեկան աղջիկները կանցնեն հատուկ հետազոտություն՝ հետագայում մայրանալու հարցում խնդիրներից խուսափելու նպատակով։
Հանրապետությունում ժողովրդարական իրավիճակի բարելավման նպատակով առողջապահության նախարարության ֆինանսավորումը 2020 թվականին կավելանա 1,9 մլրդ դրամով:
Իսկ ինչ միջոցառումներ են նախատեսվում.
Երեկ՝ մարտի 5-ին, ընդունվեց կառավարության մի որոշում, որի համաձայն այսուհետ բոլոր 15 տարեկան աղջիկները պետական պատվերի շրջանակներում իրենց առողջության առաջնային պահպանման հաստատություններում կանցնեն հատուկ սքրինինգային հետազոտություններ՝ ուղղված իրենց վերարտադրողական առողջության պահպանմանը:
Բոլոր նոր գրանցված ամուսնական զույգերը մինչև հղիությունը պլանավորելը պետական պատվերի շրջանակներում իրենց առողջության առաջնային պահպանման հաստատություններում կարող են անցնել հետազոտությունների մի նոր փաթեթ` վերարտադրողական առողջության խնդիրները հայտնաբերելու համար:
Կընդլայնվեն հղիների նախածննդյան հսկողության ծավալները` ընդգրկելով ավելի շատ հետազոտություններ պետական պատվերով մատուցվող ծառայությունների շրջանակներում:
Այս բոլոր պետական ծրագրերը նպաստելու են ծնելիության խթանմանը մեր երկրում:
