«Այլ բան, քան պետական մակարդակով շորթում, սա չի կարելի անվանել». Նաիրի Հոխիկյան

«Այլ բան, քան պետական մակարդակով շորթում, սա չի կարելի անվանել». Նաիրի Հոխիկյան

Լրագրող Նաիրի Հոխիկյանը ֆեյսբուքյան իր էջում գրել է․

«Երևանի քաղաքապետարանը զբաղված է ապօրինությամբ և շորթումով.

2022թ. հունիսին վճարովի ավտոկայանատեղերի կարմիր գծերի վճարն ուշացնելու համար տուգանվել եմ, ինչի գումարը, ըստ օրենքով նախատեսված ժամանակացույցի, վճարել եմ օգոստոսի 10-ին։

Օգոստոսի 19-ին Երևանի քաղաքապետարանը դիմել է ԴԱՀԿ՝ ինձնից նույն այդ տուգանքի համար բռնագանձում անելու և բանկային հաշիվների վրա արգելանք դնելու համար։

Այլ բան, քան պետական մակարդակով շորթում, սա չի կարելի անվանել։ Եվ սա առաջին դեպքը չէ։ Մի քանի անգամ այդպիսի հանցանք կատարվել է իմ նկատմամբ, որոնց մասին չեմ բարձրաձայնել՝ դա համարելով չինովնիկների անգրագիտության հետևանք։ Այս անգամ չեն մարսելու»։