Ամուսնացած տղամարդը սիրավեպ է ունեցել միաժամանակ չորս հարևանների հետ
Չինաստանում ամուսնացած տղամարդը խաբել է կնոջն ու թալանել չորս սիրուհիներին։ Bavnews.am-ի տեղեկություններով՝ Սյաոջուն ազգանունով տղամարդը մեծացել է դիսֆունկցիոնալ ընտանիքում և նույնիսկ չի ավարտել միջնակարգ դպրոցը։
Նա թաքցրել է իր ծագումը և հանդիպելով իր ապագա կնոջը՝ Սյաոձիա ազգանունով, ներկայացել է որպես հարուստ ժառանգ։ Սյաոձիային սիրահարվելիս տղամարդը հաճախ նրան կեղծ իրեր էր գնում, հայտնի ապրանքանիշերից։
Միայն այն ժամանակ, երբ կինը ամուսնացավ և հղիացավ Սյաոջունից, նա իմացավ ճշմարտությունը նրա ֆինանսական վիճակի մասին: Նա չի բաժանվել, այլ տնից վռնդել է ամուսնուն։
Կռվից ընդամենը մեկ շաբաթ անց դեռևս ամուսնացած Սյաոջունը առցանց խաղի միջոցով հանդիպեց մեկ այլ աղջկա՝ Սյաոհոնգ անունով։ Նա խաբել է իր նոր սիրեցյալին այնպես, ինչպես կնոջը։
Տուն կառուցելու պատրվակով նա նրանից պարտք է վերցրել 140 հազար յուան (20.000 դոլար), որը ծախսել է հարուստի կերպարը պահպանելու վրա։ Այն բանից հետո, երբ Սյաոհոնգը հղիացավ, նա բնակարան է վարձել նույն շենքում, որտեղ նախկինում ապրել են ինքն ու իր կինը: Իր կյանքը դասավորելով՝ խարդախը միաժամանակ գործեր է սկսել նույն բնակելի համալիրում ապրող ևս երեք հարևանների հետ։ Նա նրանցից ընդհանուր առմամբ վերցրել է 33 հազար յուան (մոտ 5000 դոլար):
2023 թվականի ապրիլին կանանցից մեկը խնդրեց իր սիրելիին վերադարձնել գումարը։ Նա շքեղ մեքենա էր վարձել՝ սիրելիին հանդիպելու համար և նրան փոխանցել է սև պոլիէթիլենային տոպրակ, որը ենթադրաբար փող էր պարունակում: Նա հրամայեց նրան չբացել այն՝ ասելով, որ դա «կարևոր գործի համար է»։ Դրանից հետո տղամարդը սկսել է անտեսել աղջկա զանգերն ու հաղորդագրությունները։
Մեկ ամիս անց աղջիկը բացել է պայուսակը և հայտնաբերել, որ ներսում կեղծ թղթադրամներ կան։ Ցնցված և զայրացած՝ նա դիմել է ոստիկանություն։ Սյաոջունը բերման է ենթարկվել։
Ավելի վաղ հաղորդվում էր, որ Ճապոնիայում տղամարդը որոշել է դառնալ «ամուսնության աստված» և չորս կին է վերցրել։ Նրանցից երեքի հետ ապրում է նույն տանը, չի աշխատում, հոգում է առօրյան։
