Վրաստանը կստեղծի «Ռեմդեսիվիր» դեղամիջոց կորոնավիրուսի բուժման համար
Վրաստանը կստեղծի «Ռեմդեսիվիր» դեղամիջոց կորոնավիրուսի բուժման համար
Վրաստանը հույս ունի ամերիկյան բիոդեղագործական Gilead ընկերության կողմից ստանալ «Ռեմդեսիվիր» դեղամիջոցը, որն արդյունավետ է ճանաչվել կորոնավիրուսային վարակի ծանր դեպքերի բուժման համար:
Այս մասին լրագրողներին հայտնել է Վրաստանի հիվանդությունների և հանրային առողջության վերահսկողության ազգային կենտրոնի ղեկավար Ամիրան Գամկրելիձեն։
«Ռեմդեսիվիրը» հակավիրուսային դեղամիջոց է, որը ստեղծվել է Էբոլա տենդի դեմ պայքարելու համար։ Այս շաբաթ ԱՄՆ-ի Պարենի եւ դեղորայքի որակի վերահսկողության վարչությունը (FDA) պաշտոնապես խորհուրդ է տվել այն օգտագործել կորոնավիրուսի դեմ:
«Այս դեղը արտադրում է մեր շատ լավ գործընկերը, Gilead ընկերությունը, որը համագործակցում է մեզ հետ եւ օգնում է մեզ հեպատիտի հաջող էլիմինացիայի ծրագրով:
Այս դեղամիջոցը ստեղծվել է 2015 թվականին ՝ Էբոլայի համաճարակի ժամանակ։ Սա հակավիրուսային դեղամիջոց է, որի կլինիկական հետազոտությունները տեղի են ունենում Չինաստանում, ԱՄՆ-ում եւ այլ երկրներում: Երեկ կամ նախանցյալ օրը FDA-ն հաստատել է, որ «Ռեմդեսիվիրը» կարելի է օգտագործել բարդ դեպքերում:
Արդեն մեկ ամիս է, ինչ Վրաստանը դիմել է Gilead-ի ղեկավարությանը, որպեսզի Վրաստանը նախատեսված լինի դեղորայքի մատակարարման ժամանակ։ Հուսով եմ, որ այն մենք կունենանք», – ասել է Գամկրելիձեն ։
«Ռեմդեսիվիրը» հիվանդանոցներում թույլատրված է ծանր դեպքերում օգտագործել COVID-19-ի դեմ։ Միաժամանակ, դեղի օգտագործման վերջնական հաստատման համար պահանջվում է ավելի երկար ժամանակ:
