Աստծո կամոք ևս մեկ տարեդարձ նշելու շնորհն ունեմ և գաղափար չունեմ, թե դեռ քանիսը կունենամ. Անի Քոչար
Աստծո կամոք ևս մեկ տարեդարձ նշելու շնորհն ունեմ: Լրագրող Անի Քոչարը ֆեյսբուքյան իր էջում իր ծննդյան առիթով գրառում է կատարել.
«Այսօր ես բացել եմ երկու շատ թանկ և կարևոր նվեր` իմ աչքերը: Ինչ կարող է առավել երջանկաբեր լինել, քան այն, որ դեռ տեսնում եմ Լույսը:
Աստծո կամոք ևս մեկ տարեդարձ նշելու շնորհն ունեմ և գաղափար չունեմ, թե դեռ քանի տարեդարձեր կունենամ (որևէ մեկը չգիտի, թե իրեն որքան է մնացել, ոչ ոք, այնպես, որ ամեն մի օրը գնահատեք և պահեք աչքի լույսի պես):
Շատ ապրեն իմ ծնողները, որ ինձ լույս աշխարհ են բերել (հուսամ դուք էլ դժգոհ չեք չէ) և այս աշխարհին մի խենթ սիրտ տվել, սիրտ, որ սիրել գիտի, որ ցավալ ու կարեկցել գիտի, սիրտ, որ տրվել ու նվիրվել գիտի, սիրտ, որ ներել ու չչարանալ գիտի:
Սիրտ, որի ձեռքը հաճախ կրակն եմ ընկնում, բայց միևնույնն է մեկ ուրիշը չեմ ուզում: Եվ Տիրոջ կամքով քանի դեռ բաբախում է այդ սիրտը, այն միայն սեր ու լույս է տարածելու և վարակելու կենսասիրությամբ և հավատով»:
