Սրտի գանգատներով Ռազմիկ Աբրահամյանը տեղափոխվել է «Արմենիա» ԲԿ
Սրտի գանգատներով Ռազմիկ Աբրահամյանը տեղափոխվել է «Արմենիա» ԲԿ
«Վերարտադրողական առողջության պերինատոլոգիայի, մանկաբարձության եւ գինեկոլոգիայի հանրապետական ինստիտուտի» տնօրեն Ռազմիկ Աբրահամյանը ձերբակալվելուց հետո երեկ՝ դեկտեմբերի 18-ի երեկոյան տեղափոխվել է «Արմենիա» բժշկական կենտրոն:
Այս լուրը NEWS.am-ի հետ զրույցում հաստատեց ԲԿ-ի հերթապահ բժիշկը:
Հերթապահ բժիշկը պատմեց, որ Ռազմիկ Աբրահամյանը հաճախ է սրտի գանգատներով այցելում «Արմենիա» ԲԿ. «Երեկ երեկոյան վիճակը կտրուկ վատացել է: Հիմա վերակենդանացման բաժանմունքում է»:
Նա պատմեց, որ այսօր քննիչը եկել է ԲԿ՝ հիվանդին հարցաքննելու, սակայն հիվանդի վիճակի ծանր լինելու պատճառով քննություն չի իրականացվել. «Իր բժիշկը տեղեկանք տվեց՝ առայժմ հնարավոր չէ, որ նա մասնակցի քննությանը»:
