«Բրավո Քիմ». Նաիրա Զոհրաբյանը Քիմ Քարդաշյանին շնորհակալություն է հայտնել և նվեր ուղարկել
ԲՀԿ-ական պատգամավոր Նաիրա Զոհրաբյանը Քիմ Քարդաշյանին շնորհակալություն է հայտնել ԱՄՆ-ի Կոնգրեսի կողմից Հայոց Ցեղասպանությունը ճանաչող և դատապարտող բանաձևի ընդունման գործում մեծ ներդրում ունենալու համար։ Այս մասին իր ֆեյսբուքյան էջում գրել է հենց ինքը՝ տիկին Զոհրաբյանը։
«Բրավո Քիմ․ Միևնույն է, չարացած, չկայացած ու գազազած ամբոխը երբեք չի ներել ու չի ներելու գեղեցկությունը։ Այո, Հայաստանի, Կիսլավոդսկի, Գլենդելի ու Նովոչերկասկի իմ զայրացած ու մշտապես մուննաթի առաջնագծում գտնվող որոշ հայրենակիցներ եւ հատկապես կանայք:
Ինչքան էլ դա ձեզ զայրացնի, Քիմ Քարդաշյանը, այս ֆանտաստիկ կինը, իր որոշ դերակատարությունն ունեցել է ԱՄՆ-ի Կոնգրեսի կողմից Հայոց Ցեղասպանությունը ճանաչող և դատապարտող բանաձևի ընդունման գործում:
Քիմը, մինչ քվեարկությունը, իր 158 միլիոն հետևորդներին կոչ է արել զանգահարել բոլոր սենատորներին, որպեսզի վերջիններս քվեարկեն կողմ: Իսկ էդ 158 միլիոնը էդ նույն սենատորների վերընտրության ժամանակ այդ սենատորներին հաստատ պետք են գալու: Իմ ընկեր սենատորներից մեկն ինձ գրեց, որ Քիմի բանակը բոլորին հատ-հատ զանգում և հորդորում է չտապալել քվեարկությունը:
Այնպես որ, իմ սիրելի հայրենակիցների շատ չարացած մի հատված` էդպես սրտակեղեք մի հայհոյեք էդ կնոջը, եթե շնորհակալություն հայտնելու ուժ ձեր մեջ չեք գտնում:
Ես հասկանում եմ, ես շատ լավ գիտեմ, որ կնոջ գեղեցկությունը, կայացած ու երջանիկ լինելը մեր հայրենակիցների հատուկ մի տեսակի, ընդ որում` նաև տղամարդկանց, հասցնում է հոգեխանգարմունքի:
Մի՚ արեք, հայհոյելով, վիրավորելով, դուք ընդամենը բումերանգի սլաքը ուղղում եք դեպի ձեզ ու ձեր երեխաները: Միեւնույն է, ինչքան էլ հայհոյեք, Քիմը և մնացած գեղեցիկ կայանք շարունակելու են լինել գեղեցիկ ու շարունակելու են անել իրենց գործը:
Ես ասում եմ` Բրավո Քիմ ու Քիմ Քարդաշյանին եմ ուղարկում Սամվել Մկրտչյանի` անգլոամերիկյան պոեզիայի երկհատորյակը, որի առաջին հրատարակությունը Քիմը ունի»,- գրել է նա:
