«Հե՜յ Հայաստան, բացիր արխիվներդ, մենք բացել ենք մեր արխիվները». Էրդողանը՝ հայերին

Հե՜յ Հայաստան, բացիր արխիվներդ, մենք բացել ենք մեր արխիվները

Թուրքիայի նախագահ Ռեջեփ Թայիփ Էրդողանն երեկ՝ ապրիլի 24-ին, ելույթ է ունեցել «Թուրքիայի արխիվների զարգացման, տեսլականի և պատմագիտական ուսումնասիրությունների վրա դրանց ազդեցության մասին գիտաժողովում», որտեղ անդրադարձել է Հայոց ցեղապանության հարցին:

Էրդողանը մեղադրել է այն երկրներին, որոնք «Հայկական հարցի հարցերով Թուրքիային մարդու իրավունքների պաշտպանության և ժողովրդավարության դասեր են տալիս»: Հայտարարել է, որ այդ երկրներն արյունոտ անցյալ ունեն:

Էրդողանը մասնավորապես շեշտել է՝

«Խաչակրաց արշավանքների ժամանակ 4 միլիոն մարդու պանության պատասխանատուն ո՛չ թուրքերն են, ո՛չ էլ մուսուլմանները: Նրանք, ովքեր խոսում են ցեղապանությունից, մոռանում են Եվրոպայում հրեաների որսի մասին:

Մենք չենք մոռացել և չենք մոռանալու, թե ինչպես էին թյուրք մեսխեթցիներին գնացքներով մահվան ուղարկում: Մենք այժմ էլ լսում ենք Լիբիայի և Ալժիրի անապատներում մահմեդականների ճիչերը»:

Նախագահ Էրդողանը, կրկին անդրադառնալով արխիվներրի բացման թեմային, ասել է.

«Մենք բացել ենք մեր արխիվները: Հե՜յ Հայսատան, դու էլ ունես, դուք էլ բացեք, եթե երրորդ երկրներում կա, նրանք էլ թող բացեն: Թող պատմաբանները գան, աշխատեն:

Դրանից հետո մենք, որպես քաղաքական գործիչներ, կխոսենք: Իրականության մասին իմանալ ցանկացողների համար մեր արխիվների դռները մինչև վերջ բաց են»:

Աղբյուր՝ ermenihaber.am