Ինչ է կատարվել սիրված դերասան Վահագն Սիմոնյանի հետ

Դերասան Վահագն Սիմոնյանը վերջերս մասնակցել է Aysor.TV-ի հաղորդումներից մեկին, որտեղ հանդես է եկել բավականին բաց ու անկեղծ զրույցով։

Վահագն Սիմոնյանը խոսել է իր կյանքի վերջին տարիներին ունեցած ծանր փորձությունների մասին՝ նշելով, որ երկար ժամանակ ստիպված է եղել ապրել փողոցային պայմաններում։

Նրա խոսքով՝ առաջին շրջանում նույնիսկ գիշերել է ոչ բնակելի վայրերում՝ փոսի մեջ։

Դերասանը պատմել է, որ այդ ժամանակ իր սանիկը առաջարկել է մնալ իրենց ընտանիքի տանը, սակայն ինքը չի ընդունել այդ օգնությունը։ Հետագայում շուրջ երկու տարի նա անցկացրել է իր «Վոլգա» մեքենայի մեջ։

«Հետո հիշեցի, որ Ապարանում՝ պապենական հող ունեմ։

Վեր կացա ու գնացի այնտեղ։ Ընդհանուր առմամբ արդեն 7 տարի է՝ փողոցում եմ ապրում, բայց ավելի լավ է կանգնած մեռնել, քան ծնկաչոք ապրել»,- ասել է նա։

Դերասանի այս բացահայտումը մեծ արձագանք է ստացել համացանցում, որտեղ բազմաթիվ օգտատերեր նրան ուղղել են աջակցող ու ջերմ մեկնաբանություններ։

Տեսանյութը ստորև․